Entamez il cumbat cunter sia surpigliada crescha il producent da material da construcziun vinavant. Il concern da Zug cumpra la firma australiana Construction Techonogies Australia che producescha maulta.
La fatschenta cun maulta saja il mument il sectur che creschia il pli fitg tar la Sika. Il pretsch per la surpigliada n'ha il concern però betg numnà.
Sika posseda tenor atgnas indicaziuns 79 fabricas en l'entir mund. La dispita giuridica davart la surpigliada da la Sika, entras il concern franzos Saint-Gobain, n'è anc betg decidida.
