Siglir tar il cuntegn
Inhalt

Svizra Sika limitescha dretgs da vuschar da l’acziunari principal

Il concern per chemia da construcziun Sika sa dosta viancant cunter la surpigliada entras il concern franzos Saint-Gobin. Il cussegl d'administraziun ha decis da limitar ils dretgs da vuschar da l’acziunari principal, la famiglia Burkhard.

In implant industrial da la Sika.
Legenda: En chaussa surpigliada vegn la dretgira ad avair l'ultim pled. Keystone

Quai ha communitgà il president dal cussegl d'administraziun Paul Hälg. Sco gia l’onn passan po la famiglia uschia be vuschar cun 5% enstagl da lur 53%. Cunquai na dastgassi betg reussir da gudagnar la maioritad dals sezs en il gremi e d’uschia far liber la via per la surpigliada franzosa.

Dretgira vegn ad avair l'ultim pled

Hälg ha ditg ch'i na dettia betg ina garanzia per las plazzas tar Sika e che la transacziun na saja betg en l'interess da Sika, mabain portia sulettamain avantatgs finanzials als ertavels ed a Sait-Gobain la controlla sur da Sika. La fin finala vegnan las dretgiras a decider davart la fusiun ed il futur da l’interpresa Sika.

Cifras da record

L'avantmezdi ha il concern publitgà las cifras dal prim quartal. Quella è s’augmentada per 6,6% sin 1,27 milliardas francs. La svieuta è creschida per 6,6% sin 1,27 milliardas francs, ha communitgà il concern svizzer.

RR novitads 09:00