Svizra - Sika ha puspè evità da vegnir en ils mauns franzos
Il concern da chemia da bajegiar svizzer Sika ha puspè evità da vegnir en ils mauns dal concern franzos Saint-Gobain. A la radunanza generala extraordinaria dad oz ha la maioritad dals acziunaris refusà d'eleger novas persunas en il cussegl d'administraziun.
La famiglia fundatura Burkard vuleva novs chaus per uschia cuntanscher sia finamira da pudair vender la Sika a Saint-Gobain. Sco gia l'avrigl ha la dumonda mo fatg naufragi, damai ch'ils acziunaris han restrenschì ils dretgs da vuschar da la famiglia, sco giavischà dal cussegl d'administraziun.
