Siglir tar il cuntegn
Inhalt

Svizra Sika e Saint-Gobain sa cunvegnan

Sco quai che las duas interpresas communitgeschan, renunzia Saint-Gobain al plan da surpigliar la controlla dal concern da chemia da construcziun svizzer Sika. Ina dispita ch'aveva cumenzà il december 2014 saja schliada, scriva l'agentura da novitads svizra SDA.

Firma Sika.
Legenda: Suenter plirs onns è la dispita per il concern da chemia da construcziun svizzer Sika uss resolvida. Keystone

Bain cumpran Saint-Gobain sco planisà la cumpart da la famiglia fundatura Burkard vi da Sika, vendan dentant vinavant ina part dal pachet a Sika sez. Pli tard ha Sika lura il dretg da precumpra per il rest da las aczias.

Tenor in rapport da la gasetta Financial Times vegnia a pajar Saint-Gobain ussa a la famiglia per lur part dal chapital da 17% radund trais milliardas francs. 7% dettia Saint-Gobain lura vinavant a Sika e vegnia a pajar persuenter duas milliardas francs.

Uschia possia Saint-Gobain far in gudogn sin questa transacziun. Ils titels quotads a la bursa da la Sika han actualmain ina valur da 16 milliardas francs.

RR novitads 07:30