Siglir tar il cuntegn
cuntegn

Svizra Sika cun 11,9% dapli svieuta

L'emprim quartal dal 2018 ha il concern da construcziun augmentà la svieuta sin 1,55 milliardas francs.

Il logo da Sika vi da silos.
Legenda: Sika ha fatg l'emprim quartal dal 2018 dapli svieuta. Keystone

Il concern da chemia da construcziun SIKA ha pudì augmentar la svieuta marcantamain l’emprim quartal da quest onn. La svieuta saja s’augmentada per bunamain 11,9% sin passa 1,55 milliardas francs. Quai ha communitgà il concern cun sedia a Baar en il chantun Zug. Tut las regiuns da fatschenta sajan creschidas, cunzunt en la Spagna e la Gronda Britannia, ma er en il Proxim Orient ed en l’Africa.

Las prognosas per l’onn current da gestiun sajan optimisticas. Tranter auter vul SIKA avrir 8 novas fabricas. Quai malgrà che la dispita tranter la famiglia fundatura e la direcziuns cuntinuescha. La direcziun da Sika sa dosta vinavant cunter l'acquisiziun da l'interpresa entras il concurrent franzos Saint-Gobain. La fin finala vegnan probabel las dretgiras a decider davart il futur da Sika.

Sika

Sika è represchentada cun filialas en 101 pajais e producescha en dapli che 200 fabricas. Tut en tut dumbra l'interpresa sur 18'000 collavuraturs.

RR novitads 08:00