Siglir tar il cuntegn

Svizra Siglir sco Simi en il Museum Svizzer da Transports

Il siemi da sgular cun skis daventa realitad. A Lucerna è vegnì avert l’emprim indriz da siglir cun skis endadens dal mund.

Legende: Video Emprima schanza da siglir cun skis en halla dal mund abspielen. Laufzeit 3:08 Minuten.
Or da RTR dals 24.04.2015.

La nova schanza en il Museum Svizzer da Transports è 32 meters lunga, 8 meters auta e 2,5 meters lada. Construida è questa schanza dal tudestg Peter Riedel GmbH en collavuraziun cun Swiss Ski ed il Museum Svizzer da Transports a Lucerna. La schanza che sa chatta en la halla d’aviatica, è l’emprima schanza «indoor» dal mund. Ils custs da 150’000 francs han surpiglià il Museum sez, Swiss Ski e la «Schanzen Einsiedeln GmbH».

Siglir fin a sis meters

Cun questa schanza da siglir cun skis ha il Museum Svizzer da Transports duas finamiras: ina gia duai il siemi da siglir cun skis daventar realitad per ils uffants, da l’autra vart vulan ins cun questa schanza motivar la generaziun giuvna per quai sport. Giuvens sportists che siglian gia cun skis pon er duvrar questa schanza sco in ulteriura opziun da trenament.

Tut ils visitaders dal Museum Svizzer da Transports ch’èn pli vegls che sis onns pon empruvar ora la nova schanza a partir dals 27 d’avrigl ed uschia sentir il sentiment da sgular. Avert la nova schanza ha il dubel dubel campiun olimpic Simon Ammann, quai en il rom dad ina festa d’avertura ensemen cun radund 200 giasts.