Siglir tar il cuntegn
cuntegn

Svizra «Sextortion» – 161 annunzias da squitsch pervi da fotos intims

L'Uffizi federal da polizia avertescha. Il dumber saja probabel pli grond, ma blers sa turpegian d'annunziar il cas.

Purtret da duas borlas da chat ch'èn vid discurrer.
Legenda: Er en chats sco What'sapp èsi da far adatg cun tgi ch'ins scriva e tge ch'ins trametta. Colourbox

L'uffizi federal da polizia, Fedpol avertescha da l'uschenumnà «sextortion». L'onn passà haja dà passa 161 annunzias da persunas ch'èn vegnidas messas sut squitsch cun fotos u videos intims. Il dumber da las unfrendas da «sextortion» dastgass però anc esser pli grond, pertge bleras persunas sa turpegian d'annunziar il cas a la polizia, hai num vinvavant.

Da far attenziun saja surtut tar uffants e giuvenils, pedocriminals sa dettian numnadamain ora sco persunas da medema vegliadetgna per vegnir tar maletgs pornografics. La Fedpol cusseglia a las unfrendas da betg pajar sch'i vegn pretendì daners e da far in'annunzia. Fotos dal chat e texts pon vegnir duvrads da la polizia.

RR novitads 16:00