Siglir tar il cuntegn

Header

cuntegn

Sessiun Berna Dar dumogn a la pandemia da corona ina finamira impurtanta

Sper quella ha il president da la Confederaziun, cusseglier federal Guy Parmelin numnà en ses pled a l'entschatta da la sessiun d'atun il mantegniment da la bainstanza, la coesiun naziunala e la segirtad sco puncts centrals da l’auter onn.

Las expensas extraordinarias per surventscher la pandemia da corona hajan ils davos dus onns manà ad in grond deficit sin il conto d’amortisaziun dal frain a l'indebitament. Il Cussegl federal vegnia perquai a preschentar in messadi al Parlament federal l’auter onn nua ch’el skizzeschia co el vul reducir quai daivet ils proxims onns, ha Parmelin ditg ella chombra gronda.

Plinavant vegnia la regenza a prender per enconuschientscha in rapport davart il management da crisa en la segunda fasa da la pandemia ed decider eventualas mesiras per meglierar quel.

En tut 120 projects

 Sper bler auter vul il Cussegl federal preschentar in messadi per schlargiar la taglia sin tubac era sin e-cigarettas, uschenumnads vapurisaders. Ella politica d'economica duai il dretg da cartel vegnir actualisads ed i duai dar ina proposta per reducir ils custs administrativs da las interpresas.

Per rinforzar la coesiun naziunala vegnia il Cussegl federal a preschentar in messadi per promover las medias e per schlargiar la promoziun indirecta da la pressa era sin portals da novitads electronics. Plinavant duai era dar ina proposta co franar ils custs per la sanadad ed era la milliarda da coesiun per tscherts pajais da l'UE e sin la glista dal Cussegl federal.

audio
Per tadlar curt e cumpact
ord RTR Audio dals 13.09.2021.
laschar ir. Durada: 1 minuta 20 Secundas.

 

RTR novitads 17:00

Artitgels legids il pli savens