Siglir tar il cuntegn

Header

Navigaziun

Politichers svizzers.
Legenda: Il Cussegl federal debattescha «extra muros» a Soloturn. Keystone
cuntegn

Svizra Sesida «extra muros» a Soloturn

Il Cussegl federal tegna oz sia sesida ordinaria «extra muros» a Soloturn e betg sco usità en Chasa federala a Berna.

Dapi il 2010 è quai gia la 12avla sesida dal Cussegl federal extra muros. La sesida sco tala è stada en la chasa «Von Roll» che vala sco perla barocca. Silsuenter è s'inscuntra il Cussegl federal lura cun la populaziun tar in apéro en la citad veglia da Soloturn. Passa 300 persunas han nizzegià la schanza da s'inscuntrar cun la regenza.

Amplifitgar l'infrastructura da viafier

Il Cussegl federal lubescha tranter auter engrondiments da l'infrastructura da viafier da 173 milliuns francs. Prest la mesadad da quels vegnan duvrads per construir la lingia da viafier cun dus binaris tranter Contone e Locarno en il chantun Tessin. Cunquai duai la purschida da viafier tranter Locarno e Lugano vegnir megliurada. Uschia hai num en ina communicaziun.

RR novitads 11:00