Siglir tar il cuntegn
Inhalt

Svizra Servetsch secret fa diever da las novas mesiras

Gia 40 giadas ha il servetsch secret dal stadi fatg diever da las novas mesiras per vegnir tar infurmaziuns.

Camera d'obervaziun.
Legenda: Da tgeninas mesiras ch'il servetsch ha exact fatg diever na vul el betg tradir. Keystone

Il servetsch secret da la Confederaziun po dapi il settember per exempel survegliar telefonins, installar apparats da localisaziun e da minispiun, far il hacken computers u perquirir stanzas. E da quellas ha il servetsch gia fatg diever 40 giadas. Quai en connex cun quatter operaziuns. Da tgeninas e l'identitad da las persunas en mira resta però secreta. Il servetsch communitgescha sulettamain che duas operaziuns stettian en connex cun terrorissem e duas cun cun servetschs secrets dal exteriur.

Da la pussaivladad da valitar datas da la communicaziun d'internet n'haja la Confederaziun enfin la fin da l'onn 2017 betg fatg diever.

RR novitads 12:00