Siglir tar il cuntegn

Header

cuntegn

Servetsch da transport Crusch Cotschna Svizra tschertga voluntaris

A la Crusch Cotschna Svizra mancan actualmain 80 fin 90% dals voluntaris e da las voluntarias che van cun auto. La pli gronda part da quests voluntaris sajan tranter 65 e 70 onns vegls e tutgian uschia tar la gruppa da risico. Quai ha ditg la pledadra da la Crusch Cotschna Svizra a l'agentura da novitads Keystone-SDA.

Normalmain datti en Svizra var 13'000 voluntarias e voluntaris che fan il servetsch da transport cun lur auto privat per charrar persunas pli veglias, malsauns u persunas che na pon betg prender ils meds publics e che n'han nagin'autra pussaivladad da transport.

Var 80% da las manischunzas e manischunzs èn tranter 65 e 70 onns. Be var 10 fin 20% dals voluntaris na tutgan betg tar la gruppa periclitada e na pon pervi da la situaziun actuala betg surpigliar quest servetsch.

Tschertgà persunas giuvnas

Las uniuns regiunalas da la Crusch Cotschna tschertga uss urgentamain manischunzs pli giuvens che na tutgan tar nagina gruppa da risico. Fin uss saja gia s'annunziadas intginas persunas pli giuvnas sin quest appel.

Actualmain sa concentrescha il servetsch da transport da la Crusch Cotschna sin viadis che n'èn betg da spustar, sco dialisas.

Ord l'archiv

Video
150 onns Crusch Cotschna Svizra
Or da Telesguard dals 31.05.2016.
laschar ir

RTR novitads 09:00

Artitgels legì il pli savens

Nach links scrollen Nach rechts scrollen