Siglir tar il cuntegn

Header

Navigaziun

cuntegn

Servetsch civil Pli grev da midar da l'armada en il servetsch civil

Il Cussegl dals chantuns ha approvà oz sco emprim cussegl in pachet da mesiras – quai cun 26 cunter 11 vuschs, tar 2 abstenziuns. Cunter è cunzunt la vart sanestra dal cussegl. Uschia duai vegnir pli grev da midar da l'armada tar il servetsch civil.

Il Cussegl dals chantuns è suandà a la cumissiun ed ha ha approvà set dad otg mesiras. Il servetsch civil duai cuzzar – sco gia oz 1,5 giadas uschè ditg sco il servetsch militar, da nov dentant almain 150 dis da servetsch. Fin oz vegnan ils dis da servetsch en il militar quintads vitiers. Tgi che mida a partir da l'emprim curs da repetiziun sto quintar da stuair far dapli dis da servetsch.

La finamira da la midada è damain commembers dal servetsch civil e dapli schuldads.

Emprimas reacziuns da sanestra

La Partida ecologica svizra e la Gruppa per ina Svizra senz’armada (GSoA) han gia mess en mira il referendum sch’il parlament accepta questa decisiun. Cun acceptar quest pachet da mesiras ristgia il Cussegl dals chantuns ch'il dumber da civilists sa reduceschia ed uschia er ch'i possia dar stretgas da capacitads cura ch'ins dovria il servetsch civil.

Ord l'archiv:

Il Cussegl federal vul dapli schuldada e perquai duai vegnir pli difficil da midar da l'armada tar il servetsch civil. Sco Guy Parmelin ha declerà vul il Cussegl federal evitar che l'armada perda schuldada sin donn e cust dal servetsch civil.

RR novitads 14:00