La banca da la posta svizra Postfinance vala davent d’immediat sco banca relevanta per il sistem, quai ha la Banca naziunala communitgà communablamain cun la Postfinance. Sco motiv vegn numnà l’impurtanza da la Postfinance per las fatschentas entaifer la Svizra.
Tras la nova valitaziun sto la Postfinance avair ils agens meds prescrits. Be uschia n’engrevgescha la Postfinance betg il sistem da finanzas en cas da difficultads. Sco communitgà vegn l’autezza d’agens meds negoziads cun la Finma.
La Svizra è dependenta da 5 bancas
Actualmain datti uss 5 bancas ch’èn relevantas per il sistem da bancas svizzer. Sper la Postfinance èn quai l'UBS, la Credit Suisse, la gruppa da la Raiffeisen e la Banca chantunala turitgaisa.
