Siglir tar il cuntegn

Svizra Senza bilateralas perdess la Svizra almain 460 milliardas francs

Fin il 2035 perdess il product naziunal brut en tut 460 fin 630 milliardas francs sche l’UE visass las contractivas bilateralas. A questa conclusiun vegn in studi da l'institut da perscrutaziun BAK Basel.

bandieras svizra ue
Legenda: Il BAK Basel quinta ch'i dessia ferm vent da l'Uniun europeica, sch'i na dat nagina cunvegna per realisar l'iniziativa cunter l'immigraziun da massa. Keystone

Fin il 2035 perdess il product naziunal brut en tut 460 fin 630 milliardas francs, sche l’Uniun europeica (UE) visass las contractivas bilateralas. A questa conclusiun vegn in studi da l'institut da perscrutaziun BAK Basel. Questa summa correspunda ad ina entrada annuala da l'economia svizra.

Tenor il Seco, il secretariat statal per economia, fissi da quintar cun consequenzas negativas per la fiera da lavur, cun barrieras economicas e restricziuns areguard l'access a la fiera.

Ina visada da las contractivas bilateralas smanatscha a la Svizra en il cas extrem, sch’i na dat betg ina soluziun en enclegientscha cun l’UE areguard l’iniziativa d’immigraziun da massa.

RR novitads 18:00