Siglir tar il cuntegn

Svizra Sentenzias en il scandal «Insieme»

Il process davart il scandal «Insieme» è ì a fin cun 3 sentenzias da culpaivladad. In anteriur um da cader da l’administraziun federala è vegnì sentenzià ad in chastì cundiziunà da 16 mais e 27'000 francs, las duas interpresas d’IT ch’èn vegnidas avantagiadas a chastis da daners.

Cabels d'in computer.
Legenda: Il 2012 aveva la cussegliera federala Eveline Widmer-Schlumpf tratg il cabel al project. Keystone

Il project da renovar ils sistems da computer da la Confederaziun aveva traguttì 120 milliuns francs. Il 2012 aveva la cussegliera federala Eveline Widmer-Schlumpf franà il project.

La procura publica ha rinfatschà al funcziunari da la Confederaziun corrupziun ed administraziun malfidaivla d’uffizi. El duai avair sa laschà envidar en da las interpresas d’IT passa 20 giadas a mangiar. Quellas duain persuenter esser vegnidas avantagiadas tar la surdada da la lavur.

RR novitads 14:00