Siglir tar il cuntegn
cuntegn

Svizra Sentenzià tgirunz pervi da mulesta

In anteriur tgirunz da l’ospital universitar da Turitg vegn definitivamain sentenzià perquai ch’el duai avair mulestà sexualmain pazientas. Il Tribunal federal ha confermà la sentenzia ed il chasti da la dretgira superiura da Turitg d’avant 4 onns.

vista sin il bajetg dal Tribunal federal a Losanna
Legenda: Ils derschaders federals da Losanna han confermà la sentenzia da la dretgira da Turitg. Keystone

Medemamain confermà ha il tribunal federal il scumond da lavurar per l’um fin la fin dal 2018. Perquai che l'um è gia sa mess anticipadamain en l'execuziun dal chasti e perquai ch'el è sa cumportà bain ha l'um gia expià ses chasti.

Il tgirunz che ha uss 50 onns aveva mulestà sexualmain pazientas en ina sala da sa dasdar da l’ospital universitar da Turitg. Pazientas han sinquai denunzià el.

RR novitads 14:00