Siglir tar il cuntegn
Inhalt

Svizra Sentenzià dus politichers pervia d’inserat discriminant

Il secretari general da la PPS, Martin Baltisser e sia substituta, Silvia Bär, èn vegnids sentenziads pervi da discriminaziun da las razzas.

Il secretari general da la PPS, Martin Baltisser e sia substituta, Silvia Bär,
Legenda: Il secretari general da la PPS, Martin Baltisser e sia substituta, Silvia Bär. Keystone

Els ston sa responsar pervi dals inserats cun il titel "Cosovars taglian si Svizzers", scriva la dretgira penala a Berna. Ella punctuescha ch'ils accusads hajan prendì en cumpra ina propaganda negativa cunter Cosovars. Il titel da l'inserat saja ina generalisaziun nunlubida. L'inserat era part da la campagna da la PPS per l'iniziativa cunter l'immigraziun da massa ed era cumparì l’onn 2011 suenter in crim ad Interlaken.

Pledà per "na culpabel"

L’advocat dals dus commembers da la PPS aveva pledà da na esser culpabel en il senn da discriminar in pievel. L’inserat na sa drizzia betg envers Cosovars mabain envers esters criminals. La dretgira ha decis auter, ils dus sentenziads ston pajar in chasti.

RR novitads 17:00