Siglir tar il cuntegn

Header

cuntegn

Sentenzia dal Tribunal federal Controllader dal traffic aviatic n'è betg culpant

In controllader dal traffic aviatic da Skyguide n’ha betg disturbà il traffic public a moda malprecauta. Quai ha decis il Tribunal federal ed uschia approvà il recurs da l’um cunter ina sentenzia da la Dretgira superiura da Turitg.

Tge era capità?

Concret vai per in cas dal 2011 a la plazza aviatica da Turitg. Dus aviuns avevan survegnì curt in suenter l’auter la lubientscha da partir sin duas pistas che sa cruschan. In dals pilots aveva interrut il start, tschel era partì sco planisà. Donns n'avevi betg dà. Il controllader da traffic da skyguide ch'era stà involvì, aveva silsuenter sez annunzià il cas ed aveva perquai stuì ir avant dretgira. La finala ha il Tribunal federal stuì decider en chaussa.

audio
Per tadlar curt e cumpact
ord Novitads dals 08.11.2019. Maletg: Keystone
laschar ir. Durada: 59 Secundas.

Skyguide pretenda midada da lescha

La Skyguide è cuntenta cun la decisiun dal Tribunal federal. I stoppia dentant tenor lescha esser pussibel ad emploiads d’annunziar sbagls senza stuair temair consequenzas disciplinaras, sche quels n'èn stads intenziunads u per greva negligientscha.

RR novitads 06:00

Artitgels legids il pli savens