Siglir tar il cuntegn

Header

Navigaziun

La figura da lain da l'artist Giovanni Segantini vegn inaugurada.
Legenda: Avant culissa maiestusa - La figura da Giovanni Segantini duai promover il lain svizzer. Bruno Augsburger
cuntegn

Svizra Segantini al Jungfraujoch

Cun ina figura da lain da l'artist Giovanni Segantini duain las Svizras ed ils Svizzers vegnir animads da cumprar dapli lain svizzer. Oz è la figura da l'artist Inigo Gheyselinck vegnida preschentada a l'observatori dal Jungfraujoch.

Sin 3'450 meters sur mar fa la statua da schember da l’artist Giovanni Segantini ussa reclama per l'acziun #Woodvetia da la branscha da guaud e da lain sco era l’Uffizi federal d’ambient. Finamira è d’augmentar la dumandà per lain svizzer. Adina dapli lain vegn duvrà tar la construcziun da chasas ed auters edifizis. Il problem è che quai lain na vegn betg ord ils guauds svizzers mabain da l’exteriur. Cun l’acziun #Woodvetia e sias statuas da persunalitads da la Svizra en lain duai la populaziun perquai vegnir sensibilisada ed animada da dumandar dapli lain indigen.

En il center da la campagna #Woodvetia stattan figuras da persunalitads svizras en grondezza natirala. Quellas vegnan fatgas ord ina sort da lain che deriva da la regiun da la persuna. Durant l’entir onn cumparan adina puspè novas figuras da lain en lieus publics en l’entira Svizra. La fin da l’onn s'inscuntran tut las figuras lura a Berna.