Siglir tar il cuntegn

Svizra Sechseläuten – Il Böögg empermetta ina buna stad

A las 18:00 è il Böögg vegnì envidà. El empermetta ina buna stad.

Purtret dal chau dal Böög che explodescha.
Legenda: Cun tutta forza è il Böögg explodì gia suenter 9 minutas e 56 secundas. Keystone

Oz è il «Sechseläuten» ed en il center da questa festa stat il Böögg, ina figura che vesa ora sco in um da naiv, che vegn brischada. Il Böögg duai stgatschar l'enviern. El duai dentant er predir sch'i dat ina bella stad u betg. Sch'il chau explodescha spert duai quai dar ina bella stad. Oz è il chau explodì suenter 9 minutas e 56 secundas. Quai empermetta ina buna stad er sch'ils proxims dis duain puspè esser fraids.

Cusseglier federal Alain Berset
Legenda: Cusseglier federal Alain Berset al cortegi dal Sechseläuten. Keystone

Cusseglier federal Alain Berset prenda part sco giast d'onur al Sechseläuten.

Til dals uffants al Sechseläuten 2017 a Turitg.
Legenda: Til dals uffants al Sechseläuten 2017 a Turitg. Keystone

A Turitg sa radunan las 25 mastergnanzas per dar l'adia a las notgs lungas e fraidas d'enviern. La dumengia ha mintgamai lieu il til d'uffants.

Or da l'archiv

Legende: Video Sechseläuten 2004 abspielen. Laufzeit 00:30 Minuten.
Or da RTR dals 16.04.2004.