Siglir tar il cuntegn

Svizra Scumond da zuppentar la fatscha vegn avant cumin glarunais

En Glaruna vegn il cumin a decider davart in scumond da zuppentar la fatscha. In scumond sumegliont al scumond da burcas ch'il chantun Tessin ha.

plaz da cumin durant tschentada
Legenda: Il pievel glarunais decida da cumin 2017 da raschun dal scumond da zuppentar la fatscha. Keystone

Il Cussegl grond da Glaruna ha deliberà per mauns da la regenza ina proposta d'in burgais. Il parlament ha declerà la proposta sco relevanta. Quai cun 11 vuschs; pia 1 vusch dapli che necessari. Las vuschs necessarias èn vegnidas tuttas ord la fracziun da la Partida populara svizra en il Cussegl grond glarunais che quinta en tut 60 deputadas e deputads.

Regenza ha d'elavurar ina proposta

Uschia sto la regenza elavurar ina proposta per in scumond da zuppentar la fatscha per mauns dal cumin glarunais. La proposta da la regenza vegn tgunsch decidida al cumin glarunais dal matg 2017.

Sumegliont al scumond en il Tessin

La proposta s'orientava vid l'iniziativa dal pievel che la populaziun tessinaisa aveva acceptà il settember 2013 cun passa 65% da las vuschs. En vigur n'è la lescha en il Tessin però anc betg.

RR novitads 16:00