Siglir tar il cuntegn
cuntegn

Svizra Scumbigls pervi da suspensiun da Sepp Blatter

Il president da la FIFA Sepp Blatter n'è para betg vegnì infurmà uffizialmain davart ina recumandaziun da suspender el.

Il president da la FIFA Sepp Blatter il december 2014.
Legenda: Il president da la FIFA Sepp Blatter na vegn betg a ruaus. Keystone

Quai ha ditg l'advocat da Blatter, l'American Richard Cullen. El respundia uschia a rapports da pliras medias, che la chombra d'inquisiziun da la cumissiun etica da la FIFA proponia da suspender Blatter per 90 dis.

La cumissiun etica da la FIFA è sa reunida dapi glindesdi a Turitg. Ina decisiun davart il destin da Sepp Blatter è da spetgar fin venderdi.

Cunter Blatter aveva la Procura publica federala avert ina procedura penala pervi da suspect d'administraziun nuncorrecta. E Platini ha stuì dar pled e fatg en connex cun il scandal da corrupziun da la FIFA.

RR Novitads 23:00