Siglir tar il cuntegn

Svizra Scumandar punctaders da laser

La cumissiun da sanadad dal Cussegl dals chantuns vul scumandar il possess d'uschenumnads «laserpointers». Ferms punctaders da laser na dastgan betg pli vegnir vendids en Svizra perquai ch'els pon chaschunar grevas blessuras.

Tschients persunas sesan sin ina tribuna d'aspectaturs cur ch'ina persuna glischa cun in uschènumnà «laserpointer» sur ils chaus or
Legenda: Punctaders da laser duain vegnir scumandads dal tuttafatg Keystone

La populaziun svizra duai vegnir protegida meglier da radiaziuns nunionisantas. La cumissiun da sanadad dal Cussegl dals chantuns vul perquai fixar en la lescha che er il possess da punctaders da laser saja scumandà.

En Svizra èsi gia oz scumandà da vender tals punctaders. Cun la nova lescha pudess il Confederaziun er punir il possess da quests. Il medem mument vul la cumissiun ch'i vegnia controllà en l'avegnir, schebain persunas che van en il solarium èn infurmadas avunda davart privels eventuals.

RR novitads 14:00