Siglir tar il cuntegn

Header

Navigaziun

Gardists papals en retscha
Legenda: Ina retscha da gardists papals la primavaira 2016. Keystone
cuntegn

Svizra Scolaziun da la Guardia papala vegn modernisada

Da nov survegnan ils gardists era ina scolaziun d'in mais tar la polizia chantunala tessinaisa. Ina tala cunvegna han signà ils cumandants da la Guardia papala e da la polizia chantunala dal Tessin.

La nova scola da recruta cumenza l'emprima giada la fin d'october. L’emprim sgolan ils 16 recruts per in'examinaziun medicinala a Roma. Lura survegnan els in mais scolaziun tar la polizia chantunala tessinaisa. Là consista l’instrucziun tranter auter da temas sco psicologia e dretg, sajettar, agir tactic e sport.

Silsuenter returnan ils recruts en il Vatican per in ulteriur mais instrucziun en il quartier da la Guardia papala. Ils recruts emprendan d’enconuscher lieus e persunas e survegnan in’emprima scolaziun dal talian.

La Guardia papala consista da 110 gardists, ed è vegnida fundada l’onn 1506 da Papa Geli il segund. Ella protegia il papa e sia residenza, accumpogna el sin ses viadis en l’exteriur e controllescha las entradas principalas dal Vatican.

RR novitads 22:00