Siglir tar il cuntegn
cuntegn

Svizra Scolasts d'ir cun auto duain avair fatg cunvegnas da pretschs

La WEKO ha avert ina examinaziun cunter l'uniun da scolasts d'ir cun auto dal Vallais Sura.

In auto alb cun si in grond L e duas persunas ch'ins vesa mo per part.
Legenda: La WEKO examinescha schebain l'uniun da scolasts d'ir cun auto dal Vallais Sura han fatg cunvegnas da pretschs. Keystone

En il Vallais ha la cumissiun da concurrenza WEKO avert ina examinaziun cunter l’uniun da scolasts e scolastas d’ir cun auto dal Vallais Sura. Ils commembers vegnan suspectads d’esser sa cunvegnids davart ils pretschs.
La WEKO ha survegnì in indizi dal survegliader da pretsch, cunquai ch’i dettia grondas differenzas da pretsch tranter il Vallais Sura ed il Vallais Sut. Sin quai ha la WEKO fatg in'observaziun dal martgà ch'hà confermà il suspect. L'inquisiziun analisescha, schebain ils commembers activs da l'uniun da scolasts d'ir cun auto èn propi sa cunvegnids davart ils pretschs.

RR novitads 12:00