Siglir tar il cuntegn
Inhalt

Svizra Scolas ston surprender custs per curs da tudestg supplementars

Il Tribunal federal abolescha duas reglas da la scola populara dal chantun Turgovia. Uschia na dastgan las scolas betg pli pretender contribuziuns finanzialas dals geniturs per curs da tudestg supplementars e per excursiuns e champs obligatorics.

Ina classa pitschna cun ina magistra.
Legenda: Geniturs na ston betg sa participar vi da custs per curs da tudestg supplementars. Keystone

Sche scolas pretendan dad uffants da lingua estra da frequentar curs da tudestg supplementars, ston las scolas surpigliar quests custs – e betg ils geniturs dals uffants. Quai ha decis il Tribunal federal ed uschia annullà ina regla da la scola populara dal chantun Turgovia. Tenor la Constituziun saja l’instrucziun fundamentala gratuita. Quest dretg cumpiglia er l’egualitad da las schanzas en connex cun la furmaziun – argumentescha il Tribunal federal.

Nagina participaziun da custs da champs obligatorics

Cun la medema argumentaziun ha il tribunal er abolì la segunda midada en la lescha da la scola populara. Quella avess previs che geniturs avessan stuì sa participar vi dals custs dad excursiuns e champs obligatorics dals scolars. Cunter quels dus novs reglaments ch'èn dapi l'avust 2016 en vigur, avevan quatter persunas privatas reccurì tar il Tribunal federal. Quel ha approvà il recurs ed abolì quests dus midaments en la lescha da las scolas popularas dal chantun Turgovia.

RR novitads 14:00