Siglir tar il cuntegn
Inhalt

Svizra Scolars da Lucerna ston far vacanzas

Las scolaras ed ils scolars da la scola media e da la scola professiunala en il chantun Lucerna survegnan in’ulteriura emna vacanzas ed ils scolasts survegna in’emna pli pauc paja.

Scolaras e scolars demonstreschan a Lucerna encunter las mesiras da spargn.
Legenda: Scolaras e scolars demonstreschan encunter las mesiras da spargn. Keystone

Uschia vul il chantun Lucerna spargnar radund 4 milliuns francs. Quai ha il parlament chantunal da Lucerna decidì e quai cun ina clera maioritad. La PLD e la PPS èn stads cleramain persuenter, las partidas da sanestras cleramain encunter. Per la decisiun finala ha procurà la PCD.

Sco il deputà dals cristiandemocrats dal chantun Lucerna, Adrian Nussbaum, ha ditg a las medias saja questa mesira da tut las schlettas mesiras anc la meglra.

RR novitads 09.00