Siglir tar il cuntegn

Svizra Scolar da Küsnacht sto pajar 130'000 francs

Il scolar ch'aveva pitgà ensemen il zercladur 2009 passants a Minca è vegnì sentenzià da la dretgira superiura da Minca.

Purtret da la scola: WBK (Weiterbildungs- und Berufswahlschule Küsnacht)
Legenda: In scolar da questa scola ha attatgà in um a Minca durant in viadi da scola l'onn 2009. Keystone

Ensemen cun dus collegas aveva il scolar, ch'aveva lura gist 16 onns, pitgà senza raschun tschintg persunas. Il pli fitg avevi tutgà in um da 53 onns ch'ha purtà plant. El era vegnì transportà en l'ospital cun grevas blessuras dal chau.

Il delinquent principal sto ultra da quai pajar a l'um tut ils donns da sanadad futurs che stattan en connex cun il cas.

En in'emprima instanza era l'anteriur scolar vegnì sentenzià ad ina multa da 80'000 euros. L'um da 53 onns aveva sinaquai tratg vinavant la sentenzia.

RR novitads 16:00