Siglir tar il cuntegn

Header

cuntegn

Svizra Scola da recrut Aarau: para mancan plirs kilos material explosiv

L'armada svizra ha para che manca ad Aarau plirs kilos da material explosiv. L'emna passada hajan ils responsabels constatà quai tar ina controlla da chistas da muniziun en la scola da recruta d’infantaria cun servetsch cuntinuà, quai ha il Departament federal da defensiun VBS communitgà.

Sco ils responsabels dal VBS scrivan è la giustia militara londervi d’examinar il cas ed ha avert in’inquisiziun. Sche quai sa tractia da material explosiv, d’envidaders u da cordas d’envidar quai n’ha il VBS betg vulì precisar.

Sin dumonda da l'agentura da novitads svizra sda n'ha il pledader da l'armada dà naginas infurmaziuns supplementaras. Pussaivel sajan in enguladitsch ma er in sbagl da chargiar las chistas da muniziun.

RR novitads 16:00

Artitgels legids il pli savens