Siglir tar il cuntegn

Svizra Sclaus motivs da relaziun per l'attatga da Salez

Tenor las investigaziuns da la procura publica haja il delinquent elegì sias unfrendas casualmain.

In tren ferma en ina staziun e circumdà cun in bindel da serrada.
Legenda: Il tren fermà a Salez suenter l'attatga dals 13 d'avust 2016. Keystone

Suenter l'attatga en in tren a Salez en il chantun Son Gagl, ha la procura publica communitgà ch'i na dettia nagins indizis per in delict da relaziun. L'attentader n'haja betg enconuschì sias unfrendas avant. I na dettia er nagins indizis per motivs religius u politics.

Trais unfrendas anc en l'ospital

Pervi da l'attatga cun in liquid inflammabel ed in cuntè èn anc adina trais unfrendas en l'ospital. Ina dunna da 43 onns e sia figlia da 6 onns sco era ina giuvna da 17 onns ch'è vinavant en in stan critic. Ina dunna da 34 onns e l'attatgader èn morts.

RR novitads 17:00