Meteorologs n'èn betg persvas da las teorias e modas che profets d'aura han per predir l'aura da la proxima stagiun. Ch'ins na possia betg prender serius prognosas fatgas sin basa dal cumportament d'animals, haja il biolog Andreas Moser da SRF Netz Natur declerà uschia: Per animals saja sulet impurtant da chattar nutriment ed in partenari per sa copular.
Intginas reglas da purs a curta vista pon constar.
In'autra maniera per far prognosas d'aura è cun agid da reglas da purs. Ma er quellas na sajan betg propi fitg precisas. In'excepziun furman reglas da purs che fan ina prognosa sulet per paucas uras, declera il meteorolog da SRF Thomas Bucheli. La raschun saja che quellas reglas da purs sa refereschian sin fenomens optics sco furmaziuns da nivels, artgs, rendidas dal sulegl etc.
Proxims dis vs. proximas stagiuns
La gronda differenza tranter las prognosas da profets d'aura e da meteorologs è il sectur da temp. Meteorologs fan previstas da paucs dis enfin circa in'emna. Ils profets d'aura percunter fan previstas per las proximas stagiuns.
RR actualitad 08:00