Siglir tar il cuntegn

Header

cuntegn

Svizra Schweizerhalle 1986 – Ina notg che ha fatg tema

Avant 30 onns hai dà in incendi grond tar il concern da chemia Sandoz a Basilea. Schweizerhalle è ina da las pli grondas catastrofas d’industria svizra.

audio
Mezdi: 30 onns Schweizerhalle – tge ch’era capità
ord Actualitad dals 01.11.2016.
laschar ir. Durada: 2 minutas 56 Secundas.

Quella notg da l'onn 1986 era il tschiel illuminà amez la notg, il Rain colurà cotschen, emplenì cun massadas peschs ed utschels èn morts. Sis uras han 160 pumpiers cumbattì las flommas tar il concern da chemia Sandoz a Schweizerhalle en il chantun Basilea.

Dapi quella notg avant 30 onns è il num «Schweizerhalle» vegnì simbol per ina da las pli grondas catastrofas industrialas en Svizra.

La raschun per la catastrofa n’è betg clara

Pli probabel hai dà l’incendi perquai ch’in collavuratur ha lavurà cun satgs da plastic sur fieu avert. Pli tard, cura che nagin era d’enturn, hajan las chemicalias en quels satgs piglià fieu.

audio
Mezdi: 30 onns Schweizerhalle – perditgas raquintan
ord Actualitad dals 01.11.2016.
laschar ir. Durada: 3 minutas 1 Secunda.

Incaps da communicaziun e collavuraziun

Clamà la polizia han passants. Las sirenas da la citad da Basilea n’eran betg en funcziun pervi da revisiuns Las autoritads han tramess a scola ils scolars - senza savair, tge chemicalias ch’èn propi brischadas.

Quai ha dà gronda critica. Ed era las infurmaziuns n’èn betg vegnidas dadas vinavant. Uschia purtavan ils duaniers svizzers mascras da gas, ils collegas franzos na savevan da nagut.

Ina nivla da tissi e tuffien è sa sfuschignada tras las fessas en las chasas

La polizia aveva avertì da star a chasa e da serrar fanestras ed ischs. E tuttina è la nivla cun chemicalias e tuffien d’incendi ì tras las fessas en las chasas. Sur tut en la citad da Basilea han ils abitants gì tema da la mort.

Blers abitants enturn la fabrica Schweizerhalle han durmì la notg

Cunquai che la nivla da chemicalias è vegnida suflada davent dal suffel, n’han ils abitants betg sa laschà disturbar da las sirenas. Ils blers èn pir vegnids infurmads l’auter di da la catastrofa. Tema n’hajan els betg gì, dian intginas perditgas da temp. Dentant respect, lez stoppian ins avair da las chemicalias.

Artitgels legids il pli savens