Siglir tar il cuntegn

Svizra Schuldà svizzer da la Swisscoy è mort

La notg passada è in schuldà da la Swisscoy mort en l'ospital universitar da Losanna. L'um era viegnì grev malsaun en il Cosovo.

segn da l'Armada Svizra, truppa Kfor
Legenda: Dapi il 1999 è l'Armada svizra cun var 200 schuldads en il Cosovo tar la missiun internaziunala KFOR. Keystone

L'um era l'emprim vegni tractà durant in di en l'ospital da militar da la NATO. La sonda passada aveva la Rega lura transportà el en Svizra. Ils detagls da la malsogna na sajan anc betg enconuschents, ha communitgà l'Armada svizra. Indicaziuns davart la persuna na datti il mument betg.

L'Armada svizra ha cun la Swisscoy dapi il 1999 var 200 schuldads en il Cosovo. La finamira è da sustegnair la missiun internaziunala Kfor che promova la pasch en il Cosovo.

RR novitads 12:00