Anc avant las vacanzas da stad vul el dumandar il Cussegl federal in credit supplementar da radund 150 milliuns francs per rinforzar la furmaziun da basa digitala. Quai ha el confermà al radio SRF.
El vul rinforzar la furmaziun digitala per ils giuvens. Il medem mument pensa el era vid la furmaziun supplementara per persunas tranter 20 fin 30 onns. I saja impurtant ch’ins na stoppia pli tard betg far reproschas ch’ins haja durmentà insatge.
Discussiuns
Ils 150 milliuns francs n'èn dentant betg cuntegnids en il messadi da furmaziun dal 2017 fin il 2020 ch'il parlament federal ha deliberà avant curt.
Ils meds finanzials ston vegnir mess a disposiziun.
Danunder ch'ils daners derivan vegn perquai a chaschunar discussiuns. Schneider-Ammann pudess era viver cun ina etappaziun dals meds finanzials. Impurtant saja uss, dad agir per tut la surfatscha ed intensiv. Quai custia dentant ed ils meds finanzials stoppian vegnir mess a disposiziun.
RR novitads 07:00