Siglir tar il cuntegn
Inhalt

Svizra Schneider-Ammann spera da s'inscuntrar cun Trump

Il cusseglier federal Johann Schneider Ammann vul s'inscuntrar cun il president american Donald Trump al Forum mundial d'economia a Tavau. Quai ha ditg Schneider-Amann envers SRF.

Schneider-Ammann tar il discurs envers la «Tagesschau».
Legenda: Schneider-Ammann tar il discurs envers la «Tagesschau». SRF

I na saja però anc betg cler sch'i dettia insumma in tal inscunter tranter Schneider-Ammann e Trump. Quei vegnia decis per en il davos mument. Esser flexibel, quai saja il secret dal president, ha ditg Schneider-Ammann envers la «Tagesschau».

Jeu sper da pudair discurrer cun Trump da politicher tar politicher. Quai a basa da las experientschas che nus partin – cunzunt sco interprendiders.
Autur: Johann Schneider AmmannCusseglier federal

Schneider-Ammann na veglia betg discurrer cun Trump davart la convenziun da commerzi liber. Per gliez na saja quei betg il dretg plaun. Ils ultims mais haja Schneider-Ammann giu pliras giadas la pussaivladad da discurrer cun represchentants americans.

Plinavant saja Trump bainvegnì en Svizra. La finala represchentia Trump la pussanza mundiala principala. La Svizra beneventia il president dals Stadis Unids sco partenari, uschia Schneider-Ammann.

RR novitads 06:00