Siglir tar il cuntegn

Header

Navigaziun

cuntegn

Svizra Schneider-Ammann regorda a fermezzas da l'Europa

En blers reguards è l'Europa per il mund quai che la Svizra è per l'Europa - geograficamain pitschna, fitg populada, bainstanta, obligada a la democrazia e cun bleras culturas e linguas. Quai scriva il president da la Confederaziun Johann Schneider-Ammann en ses pled per il di da l'Europa.

En dumondas da la politica exteriura possian las tradiziuns e las experientschas esser differentas, las finamiras per il mund sajan dentant restadas las medemas, uschia Schneider-Ammann.

Sa regurdar a fundaziun da Cussegl da l'Europa

Mintg'onn ils 5 da matg vegn regurdà a la fundaziun dal Cussegl da l’Europa il 1949 a Londra. Dapi il 1963 fa er la Svizra part da quel.

L’entrada al Cussegl da l’Europa haja pussibilità a blers pajais da modernisar lur protecziun da dretg e da libertad – er a la Svizra. Noss pajais partia las valurs en l’Europa e s’engaschia per il respect dals dretgs umans, dals dretgs da basa e per in stadi da dretg.

Tenor il president da la Confederaziun è quai ina da las premissas per perspectivas economicas e schanzas d’occupaziun durablas.

Engaschament da la Svizra

La Svizra saja daventada ina forza motorica aifer il Cussegl da l’Europa durant ils onns e vegnia respectada autamain. Da numnar sajan cunzunt l’engaschament per segirar il futur dal Tribunal europeic dals dretgs umans e la refurma dal Cussegl da l’Europa.

Entras ses engaschament exprimia la Svizra il confess per las valurs europeicas e per la collavuraziun cun ils auters stadis da l’Europa.

RR novitads 12:00