Siglir tar il cuntegn
Inhalt

Svizra Schneider-Ammann dat liber ses plaz a Berna

Cusseglier federal Johann Schneider-Ammann ha annunzià da sa retrair fin il pli tard l'atun dal 2019. Quai ha el ditg en la gasetta NZZ.

Johann Schneider-Ammann.
Legenda: Sias finamiras principalas sajan per il mument cuntanschidas. Keystone

Per il cusseglier federal d'economia Johann-Schneider Ammann è vegnì il dretg mument per sa retrair: El saja entrà en uffizi per gidar a segirar l'occupaziun cumplaina en Svizra, mantegnair l'industria en Svizra e sustegnair la PLD a traversar il fund da la val. Oz saja l'occupaziun uschè auta sco and mai, l'industria ferma e la partida plain schlantsch.

Jau hai in cler punct d'orientaziun: fin da la legislatura il 2019.
Autur: Johann Schneider-AmmannCusseglier federal, PLD

Schneider-Ammann fa dapi il 2010 part dal Cussegl federal. El è succedì a ses collega da partida Hans-Rudolf Merz. Il departament economia, furmaziun e perscrutaziun stat sut il timun da l'inschignier d'electricitad.

Sco in dals puncts culminants da sia carriera vala la cunvegna da commerzi liber cun la China. Ma er numerus dossiers betg populars èn stads èn ses mauns, tranter auter la refurma da l'agricultura, ch'il occupa anc adina.

Betg in da «gronds pleds»

Pli pauc familiar è il cusseglier federal stà cun tegnair pleds. Savens è l'interprendider s'exprimì en in ductus cumplitgà. Ses pled tar il di dals malsauns il 2016 è perfin vegnì tar in hit sin Youtube.

Betg mo in cumià en il Cussegl federal

Er la cussegliera federala Doris Leuthard aveva gia annunzià da sa retrair il pli tard l'atun da l'auter onn.

RR novitads 06:00