Siglir tar il cuntegn
Inhalt

Svizra Schlià alarm da bumbas a Basilea

A Basilea ha la polizia schlià il alarm da bumbas, suenter che spezialists han neutralisà ina cofra dubiusa.

Ina via a Basilea cun blers vehichels da polizia.
Legenda: Vista sin il spazi che la polizia aveva bloccà a Basilea. SRF

Sche la cofra, preparada cun fildarom e bindel da tatgar, saja propi stada ina bumba, sclereschian ils spezialists vinavant. Quai ha communitgà il pledader da la Procura publica da Basilea-Citad.

Il suentermezdi aveva la polizia bloccà en il center da Basilea in grond spazi enturn la plazza dal teater, suenter ch'in um aveva chattà ina cofra dubiusa datiers da la funtauna Tinguely.

La populaziun n'è betg stada periclitada. Pliras lingias da tram han ins stuì sviar durant pliras uras.

RR Novitads 22:00