Siglir tar il cuntegn
Inhalt

Svizra Schindler vul rinforzar posiziun en Germania

Il constructur d'ascensurs e stgalas rullantas Schindler cumpra la gruppa tudestga FB. La gruppa FB construescha, installescha, modernisescha e mantegna ascensurs. I sa tracta d'in'interpresa da la classa mesauna ch'è en possess da famiglia.

Il logo da Schindler.
Legenda: Taxà positiv: Analists valiteschan la surpigliada sco bun omen per Schindler. Keystone

Il constructur d’ascensurs e stgalas rullantas Schindler cun sedia ad Ebikon (LU) surpiglia tuttas participaziuns da la gruppa tudestga FB.

Access a novs segments per Schindler

La gruppa saxona FB occupescha 225 persunas ed ha filialas a Berlin, Dresden e Leipzig. Quant che Schindler paja n'è betg enconuschent. Tenor stimaziuns d’analists duai FB far ina svieuta annuala tranter 30 e 40 milliuns euros.

Schindler è dapi 110 onn preschent al martgà tudestg. Cun la cumpra da FB veglia l’interpresa rinforzar lur preschientscha en Germania, communitgescha Schindler. Ils Lucernais han cunzunt en mira il segment d’ascensurs dal segment elevà e da modernisaziun.

RR novitads 09:00