Siglir tar il cuntegn

Header

Navigaziun

logo da Schindler
Legenda: Il producent d'ascensurs stritga plazzas malgrà gudogn. Keystone
cuntegn

Svizra Schindler stritga malgrà gudogn fin a 120 plazzas en Svizra

Pertutgads sajan emploiads en la producziun e la logistica che lavuran a la sedia principala ad Ebikon en il chantun Lucerna.

Sco raschun numna il concern ils auts custs da producziun en Svizra e la dischlocaziun dals martgads en l'Asia. Tuttina vul il concern restar fidaivels al lieu da producziun Ebikon e transfurmar quel ad in center global da cumpetenza e per fabricaziuns spezialas.

Las plazzas duajan vegnir stritgadas fin la fin da l'auter onn. Relaschadas na sajan betg sclausas.

Sindicats cirtitgeschan

Tenor il sindicat Unia marginaliseschia Schindler uschia la producziun en Svizra e provocheschia uschia ina enorma perdita da know-how. Da quella saja l'entira Svizra pertutgada.

Plinavant crititgescha l'Unia ch'il concern veglia augmentar il gudogn sin donn e cust da spezialists ad Ebikon. Schindler ha fatg l'onn 2015 in gudogn da 747 milliuns francs tar ina svieuta da 9,4 milliardas francs.

RR novitads 18:00