Siglir tar il cuntegn
Inhalt

Svizra Schelira sur notg

En grondas parts da la Svizra hai dà questa damaun schelira dal terren. Er per la proxima notg vegnan spetgadas temperaturas dal terren da sut 0 grads.

Purtret d'ina flur portg schelada.
Legenda: La notg èsi stà uschè fraid ch'i ha pudì schelar er il plantschieu. Keystone

Suenter ch'il tschiel è sa sclerì venderdi saira èn las temperaturas sa sbassadas en blers lieus sut null grads. Sco quai ch'il servetsch da l'aura Meteonews communitgescha hai dà la pli bassa temperatura a Visp en il Vallais cun 8,4 grads sut null. Ad Elm hai dà minus 8,1 grads ed a Berna in minus da 6,3 grads.

Durant il di vegnan spetgadas temperaturas maximalas dad 11 fin 15 grads. Anc pli chaud vegni probabel dumengia suentermezdi.

RR novitads 11:00