Siglir tar il cuntegn
cuntegn

Svizra Schelira – agid per purs en situaziuns d'urgenza

Purs ch'èn vegnids tras ils donns da schelira da la fin d'avrigl fermamain en stretgas, duain survegnir sustegn en furma d'emprests senza tschains da la Confederaziun.

Fluras d'in tscharescher cun donn da schelira.
Legenda: Agid per purs en situaziuns d'urgenza. Keystone

Als purs che ston temair per lur existenza suenter las scheliras da la fin d'avrigl vul la Confederaziun gidar spert. La situaziun saja extra-ordinaria ha ditg il vice-directur da l'Uffizi federal per l'agricultura Christian Hofer envers radio SRF.

Els gidian en cas da direzza, sche purs sajan bunamain sfurzads da chalar si pervi dals donns u sche quels survegnian gronds problems da liquiditad. A quels vul la Confederaziun ensemen cun ils chantuns gidar cun emprests da daners svelts senza tschains.

Agid ord fond d’agid a manaschis

L'agid da radund 50 milliuns francs deriva or dal fond d'agid a manaschis che la Confederaziun maina dapi onns, per purs che vegnan senza culpa en las stretgas. Purs ch’èn pertutgads fermamain da donns da schelira e tras quai en ina situaziun d’urgenza, pon far ina dumonda correspundenta al chantun.

RR novitads 11:00