Siglir tar il cuntegn

Header

cuntegn

Svizra Scheffa da Posta ha vinavant la confidenza da Leuthard

En l'affera da cugliunaria tar las subvensziuns da l'AutoDaPosta SA ha cussegliera federala, Doris Leuthard avertì da betg condemnar memia baud.

Doris Leuthard spetgia da tut las interpresas che survegnian daners da la Confederaziun ch'ellas sa tegnian vid ils princips dal stadi da dretg, uschia Leuthard en l'emissiun «Talk Täglich».

Sco emprim stuain nus savair tge ch'è capità, lura pudain nus discurrer da consequenzas.
Autur: Doris Leuthard cussegliera federala

Leuthard haja vinavant fidanza en la scheffa da la Posta Susanne Ruoff. Il squitsch politic sin ella saja però fitg grond. Sco emprim saja da sclerir tge che saja capità exact, tgi che haja dà tge cumond, savì tge u cuntrafatg ad insatge. Sa cumprovian las renfatschas encunter la Posta, hajan ins in problem ed i stoppia dar consequenzas persunalas, uschia Leuthard.

La cussegliera federala responsabla è vegnida infurmada il november da l'Uffizi federal per traffic davart il quint da l'AutoDaPosta SA e ch'i dettia irregularitads. La dimensiun na saja lura anc betg stada enconuschenta. «Nus avain be savì che nus stuain intervegnir.»

RR novitads 06:00

Artitgels legids il pli savens