Siglir tar il cuntegn
Inhalt

Svizra Schef dal concern Tengelmann sparì al Matterhorn

Il schef da la chadaina commerziala tudestga Tengelmann, Karl-Erivan Haub, è sparì dapi sonda passada a Zermatt. Quai rapportan pliras medias.

Purtret da Karl-Erivan Haub.
Legenda: Karl-Erivan Haub è sparì dapi sonda a Zermatt. Keystone

Il milliardari Karl-Erivan Haub na saja betg turnà d'ina tura da skis. La tschertga da l'um da 58 onns marscha cun tut las forzas.

Nus faschain tut quai ch'è pussaivel per chattar el.
Autur: pledadra Tengelmann

Karl-Erivan Haub maina la gruppa dapi il 2000. A Tengelmann appartegna sper il discounter KiK tranter auter era il martgà da construcziun OBI. El maina la gruppa da concern en la 5avla generaziun. L'interpresa è vegnida fundada il 1867 ed ha cumenzà cun imports da café, tè ed autra rauba da colonias.

Famiglia ha speranza

La saira ha il «Handelsblatt» publitgà sin lur pagina d'internt ina brev dal frar da l'um sparì, Christian Haub, als collavuraturs da Tengelmann. Il servetsch da salvament alpin tschertgia cun tutta forza e cun tut ils meds pussaivels. La famiglia haja betg dà sia la speranza da chattar el. Karl-Erivan Haub saja in skiunz ed alpinist cun fitg gronda experientscha.

RR novitads 06:00