Siglir tar il cuntegn
Inhalt

Svizra Schef dal concern LafargeHolcim sa retira

Eric Olsen, il schef dal concern da cement LafargeHolcim, vegn a remetter ses uffizi mez fanadur 2017. Quai ha il cussegl d'administraziun da LafargeHolcim communitgà oz.

Eric Olsen, il schef dal concern LafargeHolcim sa retira.
Legenda: Eric Olsen, il schef dal concern LafargeHolcim sa retira (maletg d'archiv). Keystone

Davart la demissiun dad Eric Olsen è gia vegnì speculà ils davos dis. La demissiun stettia en connex cun ina affera en la Siria. L'entschatta mars aveva l'interpresa concedì d'avair fatg sbagls en la fabrica da Lafarge en la Siria. En la communicaziun hai num vinavant che Olsen sez na saja betg sa fatg culpaivel. El saja dentant persvadì che sia demissiun vegnia a schliar las tensiuns e purtar ruaus en l'interpresa.

Proxims pass

Eric Olsen è vegnì elegì sco schef dal concern l’onn 2015 tar la fusiun dals dus concerns da cement Lafarge e Holcim. La tschertga per in successur dad Olsen è gia vegnida instradada. Uschia hai num en la communicaziun. En il fratemp vegn il president dal cussegl d’administraziun Beat Hess a survegliar la fasa transitorica ed era a manar il concern davent mez fanadur suenter la demissiun dad Olsen. Las fatschentas operativas vegn dentant Roland Köhler a surpigliar.

RR novitads 07:30