Suenter esser stà 6 onns schef da concern, banduna Harry Hohmeister la societad aviatica Swiss. Il timun surpiglia da nov Thomas Klühr, ha la Lufthansa communitgà oz a Frankfurt.
La midada succeda sin l’entschatta dal 2016. Hohmeister surpiglia ina posiziun da cader en la centrala dal concern mamma Lufthansa.
Suenter sis onns al timun surdettia Hohmeister a ses successur ina societad sauna. Ella sgolia fitg profitabel. La renovaziun da la flotta da la Swiss saja sin buna via e la lunga dispita cun ils pilots schliada, uschia la Lufthansa.