Siglir tar il cuntegn

Svizra Schef da la Polizia criminala federala sa retira

Il schef da la Polizia criminala federala, René Wohlhauser, banduna ses uffizi sin fin settember. Ses post vegn il substitut Hans-Rudolph Flury a surpigliar ad interim, fin ch’ins ha chattà in successur.

René Wohlhauser.
Legenda: Wohlhauser è il quart schef da la Polizia criminala federala che banduna quella avant il 10avel onn d’uffizi. Keystone

Suenter 25 onns tar la polizia e 14 onns tar la Polizia criminala federala saja quai temps per ina midada, ha ditg ina pledadra da Wohlhauser. Wohlhauser (50) aveva surpiglià ses post il 2012.

Ses antecessur Michael Perler aveva stuì sa retrair il 2011 pervi da si'amia ord la Russia; quai era vegni taxà sco in risico.

RR novitads 17:00