«Schanghai e Singapur surpassan la Svizra en chaussa furmaziun»

Il president da la conferenza dals directurs chantunals per la furmaziun Christoph Eymann fa quitads per la posiziun da la Svizra en cumparegliaziun internaziunala.

Christoph Eymann

Legenda da maletgs: Christoph Eymann crititgescha la decisiun dal Cussegl naziunal da reducir las exensas per la furmaziun. Keystone

La raschun è la decisiun dal Cussegl naziunal d'auzar las expensas per la furmaziun mo per 2% l’onn. En diesch, 20 onns vegnian Schanghai e Singapur a surpassar la Svizra en chaussa furmaziun, uschia Eymann en la «Basler Zeitung». Malgrà las economias publicas pli povras vegnia investì fitg bler en la furmaziun.

«  Ils meds vegnan reducids, las finamiras restan però las medemas.  »

Christoph Eymann
president da la conferenza dals directurs chantunals per la furmaziun

Las finamiras dal Cussegl federal saja ina furmaziun professiunala pli auta, scienziads giuvens, dapli plazzas da furmaziun en la medischina umana e l’innovaziun. Ils meds persuenter sajan entant vegnids reducis, las finamiras sajan però restadas las medemas, uschia Eymann.

Las expensas per la furmaziun n’èn però anc betg chaussa decidida: La fatschenta sto anc vegnir tractada dal Cussegl dals chantuns.

RR novitads 14:00