Siglir tar il cuntegn

Header

cuntegn

Svizra Scandal tar la FIFA - il culm d’actas crescha

La giustia americana extenda sias investigaziuns en il scandal da corrupziun da la FIFA. Tenor la ministra da giustia americana, Loretta Lynch, investigheschian els cunter ulteriuras persunas ed organisaziuns, ed ella quinta cun novas arrestaziuns.

Sin la dumonda, schebain i vegnia era investigà cunter il president partent da la FIFA Sepp Blatter, n'ha ella betg vulì dar resposta. Loretta Lynch sa chatta en Svizra en connex cun ina conferenza internaziunala da procuraturs publics.

Il procuratur public federal Michael Lauber ha supplitgà la populaziun d’avair pazienza. La procura publica haja da controllar plunas da datas. Ed ella haja sigillà pliras abitaziuns en las Alps ch'èn probabel vegnidas duvradas sco objects per lavar daners.

RR Novitads 17:00

Artitgels legids il pli savens