Siglir tar il cuntegn
Inhalt

Svizra Scandal dad ovs: fipronil er en ovs en Svizra

En furniziuns dad ovs dals Pajais Bass per la Svizra han ins pudì constatar tar controllas pitschnas quantitads dal insecticid fipronil.

PUrtret ovs en ina stgatla.
Legenda: Il scandal d'ovs ha uss er consequenzas en Svizra. Keystone

Las controllas èn vegnidas fatgas dals importaders dals ovs. Las quantitads da fipronil na chaschunian dentant nagin privel per la sanadad dals consuments. Quai è vegnì confermà da l'Uffizi federal per la segirtad da victualias. L'uffizi sclerescha ussa ensemen cun ils uffizis chantunals ed ils importaders dals ovs la dimensiun da las restanzas dals insecticids.

En Germania venda Aldi ad interim nagins ovs pli

La stizun tudestga prenda en Germania tut ils ovs ord il sortiment, uschia Aldi. Ultra da quai acceptia Aldi en il futur be pli ovs ch’hajan passà il test d’anti fipronil. Pia be pli tals che na cuntegnian segir betg la substanza toxica.

Ils emprims ovs contaminads cun fipronil eran vegnids chattads en ils Pajais Bass. 130 bains èn vegnids serrads là. En Germania han ins entant chattà ovs contaminads en 13 pajais federativs.

RR novitads 12:00+